Vastelaovend

As aldste vastelaovesvereiniging van Nederland en mit ein laeftied van miër dan 17 x 11 jaor, kint Jocus netuurlik vuuële tradisies. De leeje van de vereiniging staeke vuuël energie in ‘t in stand halde van dees geschiedenis. Sommige tradisies zien al jaore niks veranderd, andere zien aangepas aan ôzze tied. Soms waere alde tradisies niej laeve ingeblaoze.

Inkele zake wao idderein Jocus van kint:

De Prins, dae idder jaor same mit zien Adjudante veurop geit in de Vastelaovend

D’n Optoch, veur groët en klein, jôngk en ald

De Boerebroélof, dae iddere vastelaovesdinsdaag op ‘t Stadhoés wuurt gevierd

De Träöt, ‘t Staatsorgaan van ‘t Jocusriék

Vastelaovesmeziék, um mei te zinge, zelf te speule of te schriéve

De motto’s door de jaore haer

Aevel de vereiniging kint nog vuuël mier historie, wao euver geej auk kint laeze.