Oétgeleech

Vastelaovend 2020

Waat eine prachtige vastelaovend hebbe weej gehad. Belaef 'm nog eine kier mit ôs in d'n truukblik van JocusTV. 

Niejs

In memoriam: Toën van Gasselt

Zaoterdaag 04 april 2020

Bedreuf vernoome weej ‘t haergaon van

d’n hiër Toën van Gasselt

Kômmandeur Gold in de Orde van d’n Haan
Ald-lid van de AZ-kemissie


Miër as 50 jaor is Toën lid van ôs gezelschap gewaes.

As lid van de kemissie Algemeine Zake waas Toën ziër begaon mit de Boerebroélof. Veural ‘t Naopraote daags nao ’t Boeremoosbal had zien biézôndere aandach en jaorelang haet hae deze middaag geprissenteerd. Auk wie hae ’t röstiger aan ging doon, zooge weej um nog wies op hoëge laeftiéd geneete op ôs Jocusevenemente.

Toën waas ein hard werkend Jocuslid maar baoveal eine leeve, werme mins dae altiéd begaon waas mit ein ander.

Weej winse de femilie vuuël sterkte en gedinke Toën mit groët respek.

Venlo, 3 april 2020
Names alle leeje van Venloosch Vastelaoves Gezelschap Jocus
Roel Versleijen, veurzitter/vors

 

In memoriam: Johan Hendriks

Vriedaag 03 april 2020

Bedreuf vernoome weej ‘t haergaon van
d’n hiër Johan Hendriks

Kômmandeur Zilver in de Orde van d’n Haan
Lid van de Joekskemissie
Buunmeister

De veurstelling had nog lang neet meuge stoppe, aevel veur de Meister van Jocusbuun is ’t leech noow toch al gedauf en ’t dook gevalle.
Johan waas haos twintig jaor lid van Jocus' Joekskemissie en ’t grutste deil van dae tiéd is hae ôzze buunmeister gewaes. Niks ôntging um en hae waas idderein altiéd ein stepke veur. As toeschouwer hadse neet in de gaater det Johan d’r waas en juus det waas zien groëte verdeenste.
 
Ein stille, betrouwbare krach mit ein groët Jocushert dae biézônder gaer gezeen waas. Wies 't lets is hae beej ôs gewaes en hebbe weej meuge geneete van zien aanwezigheid.
Jocus zal Johan mit groët respek gedinke.
Weej winse Angelique, Renée, Stijn, Loes en Remy hiel vuuël sterkte.

Venlo, 2 april 2020
Names alle leeje van Venloosch Vastelaoves Gezelschap Jocus
Roel Versleijen, veurzitter/vors