(Oét Jocus Leedjesbukske 2012)

Door: Jaap Stroeken, archief V.V.G. Jocus

Opus Jocus Leedjesaovend is idder jaor eine vuëlbelaovende en spannende aovend. D’n aovend wao de nieje schlagers veur de kômmende Vastelaovend waere gebaore is de letste jaore oétgegreujd tot ein waor mediaspektakel. Vanaovend neme weej ôg 3x11 jaor mei truuk in d'n tiéd...

Dao geit-e haer!

De leedjesaovend van 1979 vond plaats op de verjäördaag van Jocus: 6 oktober. In de Prins van Oranje strieje de 11 deilnemers veur de hoëgste iér en ein plaats op de Jocus LP. Zoel auk dit jaor weer eine nieje evergreen oét 't ei kroépe? Maar leefs 42 inzendinge donge mei um ein plaats beej de iérste elf, meide daorum woort de veurselectie in 't Knibbelke verdeild euver 2 aovende begin september.

D'n opzet waas heej en dao anders as andere jaore. De zaal woort smaakvol aangekleijd en de Köbeskepél speulde in de foyer um de minse alves op te werme. De leedjes woorte begeleidt door Jocus Hofkepel en veur de pauze zörgde Jan Pollux en Baer van der Meij op eur humoristise wiés veur de prissentatie van de leedjes. In de notule van Jocus Joekskemmissie laeze we van ein minitieuze veurbereiding. Beejveurbaeld euver de opstelling van de jury taofels. Deze meuste "60 centimaeter oétein um onderling euverleg te veurkômme"... 

Umdet de leedjesaovend allein in de Prins van Oranje te volge waas, kwaam de puntetelling tot stand door de jury en 't publiek. De jury kôs eur stum oétbringe via ein stumkaart. Aevel veur 't publiek had Jocus ein echte noviteit. Nao idder leedje klônk dao applaus vanoét de zaal. Op de buun, had de "telkemmissie" eine heuse applausmaeter ter beschikking. Deze zoel nao idder leedje 't applaus registrere en vertale in ein totaalciéfer. De "applausmaeter-kemmissie" goof ’t ciéfer door aan de persoën aan 't scorebord.

De 11 leedjes woorte vol euvergaaf gebrach en lang waas 't spannend wae zich tot winnaer moch kroëne. Wie de aovend vorderde bleek det de jury en 't publiek vuël-al dezelfde meining hadde, ein oétkôms die auk waal ens anders is gewaes...

Wiel Vestjens won d’n iérste priés mit In ’t Jaomerdal, geschreve door Frans Boermans en gekômponeerd door Sef Hendrickx. ’t Leed wao-in hae ôs meineemp nao de nachtelikke taferele in dit schoën stökske Venlose neteur, greuide oét tot eine echte Vastelaoves-klassieker dae wiés wiéd boéteVenlo bekindheid kreeg.

De twiëde plaats waas veur Ben Verdellen mit De Vastelaoves-samba, geschreve en gekômponeerd door de groëthede Frans Boermans en Giel Aerts. Ome Wiellie zoel mit ziene samba veur ein revolutie zörge. Nao deze samba zoele in de volgende jaore verschillende genres de nieje Vastelaoves-leedjes klank en kleur gaeve.

Hans Mans woort derde mit Percies dezelfde det gehiél van de hand kwaam van Ad Pollux. In ’t leedje vraoge Net en Nel zich aaf of des dich nog daezelfde  bis as dae zeej veurig jaor mit Vastelaovend troffe.

De veerde plaats waas veur Hay Steegh mit Gaer Venlonaer, ein leedje det hae same schreef  mit Wim Janssen en wao-in hae ’t geveul van de Venlonaer bezingk.

Opvallend is det inkele leedjes die ’t neet  haolde, later asnog bekind woorte beej ’t groëte publiek en zelfs op de Jocus LP’s verscheene. Beejveurbaeld ’t leedje Gank noow nao hoés, geschreve en gebrach door Jan Derijk, woort dezen aovend letste (!) mit 85 punte, maar verscheen waal op de LP in det jaor.’t Melancholische leedje wuurt nog idder jaor gezônge as taege’t ind van de Vastelaoved As-woensdaag veur de deur steit.

Auk andere leedjes vele aaf dezen aovend, maar klônke later toch truuk. Jao, det is Venlo gezônge door Ben Verdellen en gemak door Ad Pollux en Giel Aerts woort viéfde, maar verscheen op de LP 1981 – Gaef mich de viéf. Auk Vastelaovesleefde, gebrach door Hannelore Winter, haolde ’t net neet maar verscheen later auk op ein van de Jocus LP’s. Zoë-auk de leedjes Roëzegeur en Maoneschiën van Martin Berbers en gezônge door Hannelore en En weej maar lache gemak door Giel Aerts. Beidse leedjes krege ein plaats op de LP van 1982 - Laot ôs bliéve zinge.

En zoë woorte de al riéke Jocus leedjes-schat oétgebreid en zuut men maar weer det ’t mit Vastelaovendleedjes haos ‘tzelfde is as mit gooje wien: ze gebroéke d’n tiéd um te riépe... Dezeleedjesaovend brach Venlo weer ein aantal echte evergrens en vormde eine geslaagde opwermer veur de Vastelaovend van 1980.  

Auk 2013 belaof weer eine schoëne Vastelaovend te waere...

Want zegk noow zelf…Waat kinse schoëner winse…

 

Niejsarchief

20-11-18 Jocus leedjes op carillion Sint Martinuskerk
20-11-18 Jocus Jubelkedo 16x11
09-11-18 Jocus schink Venlo twië kunswerke: De Vreedzame Krijger en D'n Haan
06-11-18 Elf van Elf, dich kumps toch zelf?
20-10-18 Blaadmeziék 4 winnende Jocusleedjes 2019
12-10-18 OETVERKOCH: ‘t groët Jocus bordspel Zing Nog Ens
08-10-18 D’n Opstaekerᵀᵐ 2019: ein ôntwerp van Fons Schobbers
05-10-18 Jocus ôntvingk Keuninklikke erepenning
30-09-18 Indoétslaag Opus Jocus 2018
28-09-18 Jocus en Studio Theelen schriéve historie: alle Jocus geluudsdragers beschikbaar op Spotify en iTunes
25-09-18 Leedjesbukske Opus Jocus 2018
20-09-18 Iërste Jocus Venloosch Vastelaoves Kefee bekind
16-09-18 Mis 't neet! Jocus Leedjesaovend 2018
29-08-18 Vastelaovesleedje gekômponeerd door Kunsmaotige Intelligentie duit veur ’t iërs mei aan Veurselectie Jocus
27-08-18 Jocus äöpent jubeljaor mit nieje tentoënstelling Jocus Museum
25-08-18 11 Finaliste Leedjesaovend 2018 bekind
20-08-18 Beperkte zitplaatse Opus Jocus 2018 te kaup
12-04-18 Jocus 1842-speldje: exclusief verkriégbaar in Jocus Museum
09-04-18 Persbericht: PV Benders Benders Boerebroélofsgezelschap 2019
03-04-18 Jocus Museum in Museumwaekind aop
27-02-18 Oétslaag Groëten Optoch 2018
17-02-18 Oétbetaalzondaag zondaag 18 fibberwari
09-02-18 RemmieDemmie oorkônde veur Joekskepelle
08-02-18 Vastelaoveszondaag: Kinderoptoch en Jocus Pocus!
06-02-18 Opstelling Groëten Optoch
30-01-18 Pak De Träöt 2018
27-01-18 Dao hebse de Prins!
16-01-18 In memoriam: d'n hiër Wiel Vestjens
08-01-18 Jocus Museum iërt Frans Boermans mit tentoënstelling
29-12-17 Videoclips Jocusleedjes online
13-12-17 Van Bommel van Dam en Jocus Museum prissentere vastelaoveskuns
06-12-17 Jocus Joetsaovend 2018
15-11-17 Schriéfwedstriéd veurtgezet onderwiés De Träöt
12-11-17 Jocus CD 2018 noow verkriégbaar!
12-11-17 Jocus LP 1977 noow te downloade
06-11-17 Programma Elf van Elf
13-10-17 Niej kônvenant Jocus en SHAV veur Elf van Elf
10-10-17 D'n Opstaeker 2018
01-10-17 Indoétslaag Opus Jocus 2017
29-09-17 Alles euver Opus Jocus Leedjesaovend 2017
29-09-17 Leedjesbukske Opus Jocus 2017
24-09-17 Zjurering Opus Jocus 2017
24-09-17 Vakzjurie Opus Jocus 2017 stelt zich veur
22-09-17 Kaartverkaup Opus Jocus, leedjes te zeen op JocusTV
15-09-17 12 finaliste Opus Jocus bekind, Minse kiéke winnaer Wildcard
05-09-17 Leedjesaovend 1979 schônk Venlo nieje evergreens
26-08-17 Oétleg Jocus Wildcard aktie 2017: publiek kees 12e finalis Leedjesaovend
26-08-17 11 finaliste Leedjesaovend bekind, publiek kees 12e finalis via social media
31-07-17 Veurselectie 2017: miër inschriévinge en nieje deilnemers
10-07-17 Oproop: insteure nieje leedjes Vastelaovend 2018

Volgende evenemente

  • 13-01-19
    Jocus Toekôms Femiliezitting / Aaftraeje Dreejspan
  • 02-02-19
    Boéremoosbal
  • 03-02-19
    Krense veur Nappes

Kaarte bestelle