Op 1 oktober jongsleeje hebbe Venloosch Vastelaoves Gezelschap Jocus en de Stichting Horeca Aldstad Venlo (SHAV) ein niej konvenant ônderteikend veur de organisatie van “Elf van Elf” op de Mert veur 't Venlose stadhoés. De ônderteikening woort verrich door Vors Joeccius XI Roel Versleijen en de Venlose horeca-ondernemers Erik Scheurs (In den Dorstigen Haen), Arno Henderickx (Café Restaurant Central) en René Evers (Café Old Dutch/la Trattoria).

Mit de ôndertekeining van 't kônvenant wuurt ein vaerdere samewerking tôsse beide partijen euver de organisasie van 't gratis toegankelijke “Elf van Elf” veur de kômmende jaore gegarandeerd.
Beej de organisatie is ein degelikke samewerking vereis, waobeej de expertise van beide partieje heejveur garant steit. Jocus en de SHAV werke al sinds de iërste editie in 2006 nao volle tevreejeheid en plezeer same.

Elf van Elf is de traditionele äöpening van 't Venlose Vastelaovessezoen. Dit jaor gehalde op 'ne zaoterdaag, dus ein bômvolle Mert leet in 't veuroétzich. Mit 11 kenônscheut wuurt um klokkeslaag 11.11 oor 't nieje sezoen ingeluujd. Börger Antoin Scholten, Vors Joeccius XI, Stadsprins Lex I en Prinse van de Venlose wiék-Vastelaovesvereiniging hebbe de iër um 't kenôn aaf te scheete. Aansloétend haet op de Mert ein daagvöllend en aafwisselend meziékprogram plaats as start van 't nieje Vastelaovesjaor.

‘D’n Opstaekerᵀᵐ 2018’ ein ôntwerp van Martijn Somhorst.

Martijn Somhorst, beroepsmaotig werktuigbouwkundige, haet veur de kômmende vastalaovend ‘d’n Opstaekerᵀᵐ 2018’ ôntworpe. Names De Keieschiéters had Vors Frans Cup dit jaor de iër um eine kunstenaer veur te drage oét naam van alle viéf de stadsdeilvereniginge. Somhorst veulde zich hiél veriërd. “Ik vind ‘t erg leuk dat ik de viertiënde Opstaeker heb meuge ôntwerpe. Ik heb dreej ôntwerpe gemak”.
Oétintelik hebbe de Vorste van Jocus, de Wortelepin, D’n Oeles, de Belhamels, en de Keieschiéters gekaoze veur ein rond ôntwerp mit daorin ein narrekop mit allerlei gereidschappe en ôntwerpmateriale. ’t Idee is det dit ‘t same bouwe aan de vastelaovend symboliseert, aldus Somhorst.

‘D’n Opstaekerᵀᵐ’ is ein saort broche die steit veur ein dreejtal zake; eine bliék van waardering veur de vuule vreejwilligers die allerlei carnavalsactiviteite organisere in de stadsdeile Venlo, Blerick, Tegele, Belfeld en Aarce en Velde; eine bliék van betrokkeheid mit de vastelaovend en eine financiële opstaeker veur alle vastelaovesvereiniginge in deze regio. De viéf stadsdeilvereiniginge van de gemeinte Venlo haope dat de inwoëners, net as verleeje jaor, weer massaal deze vastelaovesbroche zulle koupe um zo de verschillende vastelaovesactiviteite van de vereinigingen te ondersteune.

Martijn Somhorst, zelf Wuilusprins in 2005, is werktuigbouwkundige/constructeur beej CCC Projects & Engineering en hild zich beroepsmaotig mit tal van projecte bezig. Op dit moment werk hij veur Eurotech Viking aan ‘t  ôntwerp van de Nederlandse Olympische bobslei.
In ziene vreeje tiéd is Somhorst eine fanatieke en zeker gennen onverdeenstelikke  wagebouwer. Iërs elf jaor mit ‘Neet good wiés’ en sinds nege jaor mit ‘Boeit neet’. "Eigelik kiék ik ‘t hiele jaor good um mich haer op zeuk nao inspiratie. Ontwerpe is veural breid kiéke en out-of-the-box dörve dinke."
Naeve ‘t bouwe van carnavalswages is Somhorst ouk drök mit het ôntwerpe van festivaldecoraties. Zo kump ‘t ôntwerp van ‘t podium van Stereo Sunday ouk van zien hand.

D’n Opstaekerᵀᵐ 2018 zal op d’n Elfde van d’n Elfde waere geprissenteerd. Vanaaf dae datum is hae ouk te koup beej de verschillende vastelaovesvereiniginge en tiédes vastelaovesactiviteite.


D'n OpstaekerTM 2018

Nao eine spannende Opus Jocus 2017 is dit de volledige indoétslaag:

1. De pinguïn (50 punte)
Gezônge door Jules Fransman en Gijs Engels.
Wäörd en meziék: Frans Pollux

2. Kômme traone dan gaon we (49 punte)
Gezônge door Annemarieke Leurs, Roel Daniëls-Peeters en Kristel Roulaux.
Wäörd en meziék: Frans Pollux

3. Zoë schoën (48 punte)
Gebrach door Hanneke Vestjens
Wäörd en meziék: Paul Nagelmaeker

4. Wach neet wies morge (45 punte)
Gezônge door Vic Suiker, Hay Geritz Petro Janssen en Mark Janssen.
Wäörd: Peter Janssen, meziék Hay Geritz.

5. Mien maedje is weer kwiét (41 punte)
Gebrach door: Marco Gielens, Etiënne Snel, Loek Heunen en Bart Ebus 
Wäörd: Peter Janssen, meziék Hay Geritz.

6. Zing maar mei (37 punte)
Gezônge door: Bart Janssen en Karen van Hoften
Wäörd en meziék: Quinn Warmerdamm

7. Joeks mak Venlo (31 punte)
Gebrach door: Jorg van der Meij, Fred Honig en Marcel Tabbers
Wäörd en meziék: Frans Pollux

8. Beejein zien (29 punte)
Gezônge door: Joep Bindels, Hans Wijhers en Niels van den Brand                 
Wäörd: Laurence Winter en Hannelore Winter. Meziék: Henk Sneijers.

9. Minse kiéke (18 punte)
Gebrach door Kevin Heiman, Rob Mans en Paul van Steenkiste.
Wäörd: Laurence Winter en Hannelore Winter. Meziék: Henk Sneijers.

10. Truuk nao hoés (16 punte)
Gezônge door Bibian Baur en Lotte van Bergen 
Wäörd Jordy Baur, meziék Luuk Caubo

11. Venlo mien stad (14 punte)
Gebrach, geschreve en gekômponeerd door Piet van Kleef

12. Heb geej det ouk? (11 punte)
Gezônge door Paul Klaassens en Marcel Schuurmans                         
Wäörd: Marc Peters en Saskia van Ewijk. Meziék: Marc Peters

Zaoterdaag 30 september strieje de twelf finaliste in Theater de Maaspoort um "de Funs" en ein plek op de nieje Jocus CD.

Videoclips 12 finaliste
As exclusieve "veurpremière" makde JocusTV video's van de elf finaliste. Dees zien via JocusTV te bekiéke: www.jocus.tv

Finale en jurering
De 12 leedjes waere iërs volledig gezônge en in ein verkorte ronde door de deilnemende artieste gebrach.

Um de stum van 't volk te vergruuëte kinne zoëwaal d'n tillevisiekiéker as de minse in de zaal via sms eur stum oétbringe. Same mit de vakzjurie en de zaalzjurie make dees 4 juries oét waat de nieje Jocusleedjes gaon waere. Ein volledige oétleg van de jurering en puntetelling laes geej heej: https://jocusvenlo.nl/niejs/3276-zjureringoj17

De leeje van de vakjurie stelle zich heej aan ôg veur: https://jocusvenlo.nl/niejs/3275-vakzjuryoj17 

Leedjesbukske downloade
Laes de tekste mei in 't Leedjesbukske: https://jocusvenlo.nl/niejs/3277-leedjesbukskeoj17 

Tillevisie-oétzending
Omroep Venlo duit vanaaf 20.30 oor live verslaag op tillevisie. De prissentatie is in hand van (nog altiéd regerend Hoëgheid) Lex Uiting.
Gangk ôg d'r good veurzitte en mis niks.

Opus Jocus Leedjesaovend is ein productie van Venloosch Vastelaoves Gezelschap Jocus in samewerking mit Omroep Venlo, Lagotronics Projects en Theater de Maaspoort.

Groëten dank aan alle deilnemende artieste, teksschriéver en kômponiste!
En neteurlik de werkende leeje van Jocus die mit ondersteuning van professionals dees productie meugelik make.
En neet te vergaete de sponsore veur eur onmisbare beejdrage Opus Jocus 2017 mei meimeugelik te make: de Sociëteit Jocus venlo 1842, 2Brüder, Lindeboom, Stadspoort Hotels, Venlopartners, Beej Benders, Rivierdael Notarissen, the Crew Factory, In den Dorstigen Haen, Joolsz, Grand Café De Keulsche Kar, Huizenaar Kappers en de Stichting Vrinde van Jocus.

Laes de tekste van de 12 leedjes mei in 't Leedjesbukske!

Veur thoés of in 't kefee! Op d'n tillefoon, tablet of alderswets op pepeer. 

>>> Download um heej! <<<

Niejsarchief

13-10-17 Niej kônvenant Jocus en SHAV veur Elf van Elf
10-10-17 D'n Opstaeker 2018
01-10-17 Indoétslaag Opus Jocus 2017
29-09-17 Alles euver Opus Jocus Leedjesaovend 2017
29-09-17 Leedjesbukske Opus Jocus 2017
24-09-17 Zjurering Opus Jocus 2017
24-09-17 Vakzjurie Opus Jocus 2017 stelt zich veur
22-09-17 Kaartverkaup Opus Jocus, leedjes te zeen op JocusTV
15-09-17 12 finaliste Opus Jocus bekind, Minse kiéke winnaer Wildcard
05-09-17 Leedjesaovend 1979 schônk Venlo nieje evergreens
26-08-17 Oétleg Jocus Wildcard aktie 2017: publiek kees 12e finalis Leedjesaovend
26-08-17 11 finaliste Leedjesaovend bekind, publiek kees 12e finalis via social media
31-07-17 Veurselectie 2017: miër inschriévinge en nieje deilnemers
10-07-17 Oproop: insteure nieje leedjes Vastelaovend 2018
18-05-17 Graaf van ald-sirremoniemeister Jocus Bertus Hummel opgeknap
03-04-17 PV Festina Lente organiseert Venlose Boerebroélof 2018
02-03-17 Oétslaag Groëten Optoch 2017
21-02-17 ‘t Verhaol achter de succes-elpee Vastelaovend Same
12-02-17 Dao hebse de Prins!
05-02-17 Prinseraoje 2017
02-02-17 Gasschriéver Funnie: Sentimentsmiddaag mit Sjraar en Nel
02-02-17 Jocus Joetsaovend
30-01-17 Greuzele mit de Prinsekepel
25-01-17 Äöpeningstieje Jocus Museum
19-01-17 Jocus Museum äöpent zien deure mit iërste tentoënstelling
12-01-17 Boéremoosbal 28 Jannewarie
12-11-16 Jocus CD “Venlo op zien bes – Vastelaovend 2017”
08-11-16 Elf van Elf 2016
11-10-16 Marijke Cruysberg-Meulendijks ôntwerp “D’n Opstaeker 2017”
06-10-16 Jocus LP 1979 "Venlo op zien bes" noow te downloade
01-10-16 Volledige oétslaag Opus Jocus Leedjesaovend 2016
29-09-16 Alles euver Jocus Leedjesaovend 2016
26-09-16 Veurluustere: de 11 leedjes van Opus Jocus
24-09-16 Download ôg Leedjesbukske
24-09-16 Jurering Leedjesaovend 2016
24-09-16 Vakjury Leedjesaovend 2016 stelt zich veur
16-09-16 Opus Jocus Leedjesaovend live op Omroep Venlo
10-09-16 Kaartverkaup Opus Jocus Leedjesaovend 2016
08-09-16 Open Monumentendag Venlo organiseert stadswandeling - Jocus historie
04-09-16 Jocus äöpent museum in de binnestad
03-09-16 Ald Vors Joeccius XI Harry Pouwels ôntvingk zilvere iërespeld Gemeinte Venlo
29-08-16 Jocus mak zich op veur nieje Vors Joeccius XI
26-08-16 Finaliste Opus Jocus Leedjesaovend 2016 bekind
30-05-16 Roel Versleijen gekaoze as nieje Vors Joeccius XI
18-05-16 VVG Jocus en Theater de Maaspoort Venlo sloéte niej contrac aaf
20-04-16 Veurdrach opvolging Vors Joeccius XI
05-04-16 College Den Hulster organiseert de Venlose Boérebroélof van 2017
14-03-16 Oétslaag Groëten Optoch
02-03-16 Nummer 20 in de Groëten Optoch: collecte Optochhal Groët Venlo
28-02-16 Opstelling Groëten Optoch zóndaag 6 maart

Volgende evenemente

Kaarte bestelle