Veur vuuël vastelaovesvierders is dit de moeisten daag van de Vastelaovend. Venlonaere die de stad oeits hebbe verlaote um zich örges anders te vestige kômme speciaal veur dit fantastische fees truuk nao ’t Stedje van Lol en Plezeer. Veuraafgaond aan de Boerebroélof-sirremonie op 't Venlose stadhoés  trek 't gans gezelschap en idderein dae mei wilt in eine bônten broélofs-optoch door de Venlose binnestad. Idderein dae det wilt meug mei in d‘n optoch! De ganse Mert is gevöld mit boere en boerinne as getuuge

Opstelle vanaaf 13.00 oor op de Mert / Alde Mert, opstelle Boerebroélofsgezelschap mit kerre op de Kwartelemert. ‘t Gezelschap neemp heej ‘t defilé aaf.  D'n optoch begint um 13.30 oor.
Route: Jeustraot, Kwartelemert, Hoëgstraot, Vleisstraot, Klaosstraot, Parade, Gashoésstraot, Mert.

Aansloétend haet de trouwerie plaats op ’t bordes van ’t Stadhoés.