• Vrinde

De Stichting Vrinde van Jocus is opgerich in maart 1997 beej gelaegeheid van ‘t 14 x 11 jäörig bestaon van Venloosch Vastelaoves Gezelschap Jocus en haet tot doel de Venloosche Vastelaovend in het algemein en de vereiniging Jocus in ’t biezonder financieel te ondersteune. Heej toe haet de stichting deilnemers die jäörliks ein vas bedraag voldoon en dao mei de stichting steune deze doele te verwezelikke. Daonaeve is de stichting eigenaer van ’t Jocus pand aan de Burgemeester Conraetzstraat 76. In dit pand hoes ’t umvangrieke archief van Jocus, staon de koetse, de Prinsewage en de Raodswage geparkeerd en waere alle decorstökke opgeborge. Daonaeve is dit pand ein maak-fabriek van creatieve leeje van Jocus. Ontwerpe en ’t make komme heej same um Jocus evenemente de unieke oetstraoling te gaeve mit eige decor.