Wies vastelaovend 2020 is de nieje tentoënstelling van 't Jocus Museum te zeen: Vastelaovend Same! Ein volksfees um gruuëts op zien.

Äöpening september en oktober:
't Jocus Museum is geäöpend op: 
zondaag 29 september van 13.00 wies 16.30 oor
zondaag 6 oktober van 13.00 wies 16.30 oor
zondaag 20 oktober van 13.00 wies 16.30 oor

Neteurlik is 't auk meugelik um 't Jocus Museum op aafspraok te bezeuke.

Euver de tentoënstelling:
De aafgeloupe maonde is ‘t Jocus Museum gans verniejd. Neet allein is ‘t museum volledig opniej ingerich mit nieje expositie-kes en de daobeej huuërende verleechting. Taeves mochte diverse nieje kollectiestôkke verwelkômp waere. Ein originele dokterskoets oét de 19e ieuw, eigendom van Jocus, is ein van de prônkstökke. In ‘t auditorium dreijt ein unieke documentaire euver de Venlose Boerebroélof. Middels ein foto-expositie wuurt in verschillende tiédsbeelde de Groëten Optoch geprissenteerd. Parel in de kroën is “de Schellenbaum” van Jocus. ‘t Vereinigingsteiken van Jocus, gemak en ingesteld beej gelaegenheid van de inhöldiging van Keuningin Juliana in 1948, is normaal allein in gebroék beej de Groëte Prônkzitting.

In Vastelaovend Same! wilt ‘t Jocus Museum veural de vuuëlzijdigheid van de diverse vastelaovestradities laote zeen: ein volksfees van idderein en veur idderein, det door de vastelaovesvierders zelf wuurt gemak.

't Jocus Museum bezeuke?
‘t Jocus Museum is iddere 1e zondaag van de maond geäöpend vanaaf 13.00 oor wies 16.30 oor. 
Neteurlik is 't auk meugelik um 't museum op aafspraok te bezeuke. Informeer nao de meugelikhede via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Hald ‘t Jocus Museum in de gater via social media op Facebook, Twitter en Instagram via @jocusmuseum.

Adres: Dominicanenplein 25, Venlo

 

Volgende evenemente

  • 07-01-20
    Praotaovend
  • 12-01-20
    Jocus Toekôms Femiliezitting / Aaftraeje Dreejspan
  • 14-01-20
    Praotaovend
  • 21-01-20
    Praotaovend
  • 25-01-20

Kaarte bestelle