Op vastelaovesmaondaag trek tradisiegetrouw de groëten optoch van Venloosch Vastelaoves Gezelschap Jocus door de Venlose straote. Deze bônte stoet van groepe, waages en faatse steit idder jaor weer bol van kwaliteit.

Wilt geej as gezelschap (mit of zonder wage) meilaupe in de Groëte Optoch dan wuürt van ôg verwach det geej ôg veuraaf efkes komp inschiéve op ein van de praotaovende.

De Technische Kemissie nuüdig de optochdeilnemers oét um zich op te komme gaeve veur de groëten optoch. We begroete ôg gaer op ein van de 4 “praotaovende “ die gehalde waere in kefee De Brasserie op de Klaosstraot en waal op de datums: 7- 14- 21- en 28 jannewari 2020.
Geej ziet op dees aovende van herte welkom tösse 20.30 en 21.30 oor.

We hebbe ein verzeuke aan de wagebouwers um zich leefs op de iërste aovend op te komme gaeve, dit in verband met de inspectierôndes op 18 jannewari en 15 fibberwari.

Dees aovende zien neet allein bedoeld um ôg op komme te gaeve veur d’n optoch; de Technische Kemissie steit ouk klaor veur alle vraoge en opmerkinge euver de groëten optoch. Weit geej nog neet of ge mei wilt trekke en ziet ge op zeuk nao advies ?
Laup gerös vreejbliévend binne. De TC is met voldoende minse aanwezig um ôg oétgebreid te waord te staon. Gewoën meidoon! Gewoën doon!

 

Alveures geej ôg kômp inschriéve wille weej ôg vraoge good kinnes te neme van de optochregelemente. Mit name op ’t gebied van veiligheid en verzekeringe zien d’r inkele zake van belang.

Volgende evenemente

  • 08-02-20
  • 09-02-20
    Prinseresepsie
  • 09-02-20
  • 09-02-20
    Oetroope dreejspan Jocus Toekôms
  • 11-02-20
    Start verkaup Träöt

Kaarte bestelle