Jocus kint 'n aantal sponsore, die de vereiniging tegemoot kômme in de vorm van 'n priés dae oétgereik meug waere. Hela Thissen bv is adoptant van de "Gruëtse": 'n twiëtal priéze veur de moëiste groep in d'n Groëte Optoch en 'n veur de moëiste wage oét d'n optoch. Lindeboom is adoptant van de "Funs" 'n priés veur de zenger(s) van 't winnende leedje op de Leedjesaovend. Die 2 Brüder von Venlo haet d'n "Ad Pollux trofee" geadopteerd, dae jäörliks wuurt oétgereik aan de komponis(te) en teksdichter(s) van 't winnende leedje op de Leedjesaovend.

Hela: de Gruëtse
Op de Prônkzitting, ten euverstaon van de ganse JOCUS hoonderstal, wuurt de winnaers van de Groepe en Waages van de veurletsten Groëten Optoch taege inlevering van de wissel-iëre-staaf 'n bliévend aandinke oétgereik (det zeej meuge halde): de Gruëtse.

Dees volzilvere prachtige trofee wuurt meugelik gemak door Hela Thissen bv (hela.nl), wae dan auk de iër gelaote wuurt ’t prachstök aan de winnaers te euverhendige. Veur de priéswinnende groepe en waage deilnemers is d’r zoë 'n blievende herinnering aan de succesvolle deilname aan d’n Optoch. JOCUS is as vereiniging biezônder gelökkig mit ’t wiéze besloét ('n paar jaor truuk) van de initiatiefnemer SNS Bank. 't Initiatief is inmiddels euvergenaome door Hela, waat daomei ein stevige hand in de rök hild van de organisasie van de stadsoptoch.
Gruëtse-troffee veur de wages

Gruëtse-troffee veur de groepe
 

Lindeboom: de Funs
De Funs wuurt jäörliks oétgereik aan de zenger(s) van 't winnende leedje van de Leedjesaovend. 't Bringe van 'n leedje op JOCUS' buun is 'n kuns. Nao dae mins, dae zoë good dae kuns verstônd (en nog ôngeaevenaard verstond nao haos 6 x 11 jaor), Ald-Prins Funs van Grinsven, is de priés as hommage verneump. Lindeboom (lindeboom.nl)

 

 

Foto: Zebra Studio

Die 2 Brüder von Venlo: d'n Ad Pollux trofee
D'n Ad Pollux trofee is jaore geleeje in 't laeve geroope en gebrach door Bert, Herm en Ad Pollux. Zeej ware van meining det de komponiste en teksdichters van 't winnende leedje op de Leedjesaovend te weinig aandach kreege, nao 't winne van de Leedjesaovend. Alle iër ging/geit smeis nao de oétveurders van zo'n leedje.

Nao 't euverlijde van eure "ome Addie", dae hiel vuul leedjes haet geschreve, vônde de breurs Pollux 't tiëd um de trofee te laote make. Um Ome Addie (Ad) te iëre hebbe zeej de trofee de "AD Pollux trofee" geneump. De troffee is gemak door Hay Mansvelder. De trofee is noow via 'n jäörlikse beejdrage geadopteerd door Die 2 Brüder von Venlo (2bruder.com).

Ad Pollux Trofee
 

Volgende evenemente

Kaarte bestelle