In 2007 is 't Bertus Hummelfonds opgerich. Dit fonds is verneump nao de legendarische sirremoniemeister van Jocus: Bertus Hummel. Leeje van 't Hummelfonds zien feitelijk donateur van Jocus. Zeej gaon 'n euvereinkôms aan veur 3 jaor, en steune Jocus mit 'n jäörlijkse donatie van €111,=.

Heejveur ontvange zeej 'n geteikende oorkonde van Vors Joeccius XI as bliek van deilname aan dit fonds, en waere zeej baovendeen mit naam in de Träöt vermeld.

Heb geej interesse in 't Hummelfonds-donateurschap, neem dan kôntak op mit ôs sikkertariaat.