Auteur: Jaap Stroeken, archief V.V.G.Jocus

Mit Vastelaovend veranderd de stad Venlo in 't Jocusriék. De Vastelaovendgekke halde de stad veur dreej daag in eur bezit. 't is 't Jocusriék van de gekheid en d'n humor wao Prins Carnaval de scépter zweijt.

Historie Venloosch Vastelaoves Gezelschap Jocus Prins Carnaval, oftewaal d'n Hoëgheid wuurd beej gestaon door twië Adjudante. Gedreeje vorme zeej 't Prinselik Dreejspan van 't Venloosch Vastelaoves Gezelschap Jocus, oftewaal 't Jocus Dreejspan. In de archieve van 't Venloosch Vastelaovend Gezelschap is neet mit volledige zekerheid vasgesteld oét welke persoëne de Prinsegalerie van Jocus bestond tiedes zien iérste twië aktieve periodes, in de jaore 1842- 1906. Vas steit det "het Vastenavond Gezelschap" idder jaor eine Prins Carnaval haet gekint. Dit is truuk te leide aan zien aankondiginge en affiches die Jocus veuraafgaond aan zien vieringe publiceerde en haet verspreid.

Volges de traditie druëg d'n Börgemeister de mach van zien stad veur dreej daag euver aan Prins Carnaval. Op Vastelaovendzondaag wuurt de sleutel van de stad Venlo euvergedrage. Alzoë d'n tiéd wao-in de Vastelaovendvierder zichzelf en d'n boétestaonder ein speechel veurhelt en 't dageliks laeve haos gans tot stilstand wuurt gebrach. "As de Joeks ôs Jocusriék regeert."

De sirremoniële rol van Prins Carnaval pas beej de vastelaovend viering zoëas deze in Venlo wuurt gevierd nao 't veurbaeld van de Rienlandse fasnach.

't Prinselik Dreejspan
Historie Venloosch Vastelaoves Gezelschap Jocus De Prins Carnaval van Jocus wuurt verkaoze door Vors Joeccius XI. Nao zien jao-waord vruëg d'n aanstaonde Hoëgheid zien twië Adjudante. In eur "prenatale fase" brik ein geheime periode aan van inkele waeke of maonde wao-in zeej same in ein petit comité alle veurbereidinge zulle gaon doon in aanlaup naor eur installatie op 't Hofbal.

De Stadsprins en zien Adjudante waere oétgeroope op 't Hofbal dae op de zaoterdaag twië waeke veuraafgaond aan de Vastelaovend plaats haet. Veur idder Dreejspan volg op deze aovend de ontlading van ein spannende en geheime veurbereidingsperiode. Veuraafgaond aan 't Hofbal wuurt de nieje Stadsprins mit ziene Adjudante door Vors Joeccius XI veurgesteld aan de leeje van de Raod van Elf en eur dames.

't Hofbal vindt plaats in de Maaspoort dae wuurt umgetouverd tot eine sfeer volle Hoonderstal. Tiedes deze unieke en sfeervolle gala-aovend wuurt de Hofbalgaste ein biézonder program gebaoje. 't Hofbal is veur 't Jocus Dreejspan d'n aaftrap van eur regeerperiode die deurt wies as-woensdaag.

Historie Venloosch Vastelaoves Gezelschap Jocus In 't verleeje woort de nieje Prins Carnaval ein paar daag veur Vastelaovend oétgerope op de Prinsenbal. Venlo zoel in 't midde van de jaore zestig op eine andere wiés kinnes gaon make mit 't nieje Dreejspan van Jocus. De belangstelling veur deze verkleiden Prinsenbal, dae woort gehalde in de Prins van Oranje, leep truuk. Ein van de raejene waas det vuël bezeukers, vanoét de stad op waeg naor de Prins aan de Kaldekerkerwaeg, onderwaeges bleeve hange in de kefees.

Historie Venloosch Vastelaoves Gezelschap Jocus Onder initiatief van Jos Wolff, Karel Thielen en Paul Willems, 't Jocus Dreejspan van 1967, woort in 1968 veur 't iérs 't Hofbal georganiseerd. Ein sjiek gala-bal, mit gaste in smoking en aovendkleid, goof 't oétroope van de nieje Stadprins ein niej gezich en 't cachet de pasde beej Jocus. Hoewaal 't Hofbal op bepaolde momente kritiek haet gehad door zienen opzet, greuje 't bal door de jaore haer oét tot einen aovend dae neet miér is weg te dinke.

Jocus Regalia en Prinselik waope
De Jocus regalia gaeve Prins Carnaval en zien Adjudante de kinmerkende uuterlikke teikene die 't passende cachet gaeve aan eur oétstraoling en symbolisere de Prinselikke mach tiedes eur regeerperiode. Beej de installatie op 't Hofbal waere regalia door Vors Joeccius XI oétgereik. Vanaaf det moment is 't Prinselik Dreejspan van Jocus klaor um 't Jocusriék te regeere. Historie Venloosch Vastelaoves Gezelschap Jocus De Stadsmedalje wuurt door Prins Carnaval gedrage ten teike det hae as representant "gemachtig" is de stad in de Vastelaovend te regeere. In de Stadsmedalje is 't waope van de stad Venlo verwerk same mit ein in 't klein aafgewerkte Jocus haan. Beide Adjudante drage eine variant waobeej, same mit twië narreköpkes, de Jocus-haan verwerk is en ein in 't klein aafgewerk stadswaope van Venlo.

Historie Venloosch Vastelaoves Gezelschap Jocus De mantel is veur alle dreej de hiére is 't teike van bescherming. De muts 't teike van de joeks. Prins Carnaval is herkinbaar aan ein muts in de vorm van de Jocus muts, getoëje mit dreej veere. De scépter kompleteerd de Prinselikke regalia ten teike van de mach.

Historie Venloosch Vastelaoves Gezelschap Jocus Naeve zien regalia haet 't Jocus Dreejspan eur eige Prinselik waope as uniek herkinningsteike. 't Prinsewaope wuurt tiedes eur regeerperiode oétgedrage in ein eige Hoesorde. Volges de euverlevering haet iddere Prins Carnaval 't veurrech um zien vrinde, bekinde of vastelaovendgekke "te bestaeke mit en op te neme in zien hoésorde en de beejhuurende medaalie oét te reike." Sinds jaor en daag wuurt 't waope geteikend door d'n Piet Camps, Jocus Hofteikenaer.

Regeerperiode van 't Prinselik Dreejspan
Historie Venloosch Vastelaoves Gezelschap Jocus Vanaaf 't Hofbal begint veur de Stadsprins en zien Adjudante ein zevetiëndaagse toer door Venlo. Zoë begint eur rondrit door Venlo neet iérdet as det zeej daags nao 't Hofbal eur eige Prinsereceptie hebbe gehalde en zich 's middaags op de Matinee Musicale veur 't iérs in 't aopenbaar aan de Venlose börgerie prissentere.

Historie Venloosch Vastelaoves Gezelschap Jocus Tiedes dees daag luët 't Prinselik Dreejspan van Jocus zich op zoëvuël meugelik gelaegenhede in 't Stedje van Lol en Plezeer zeen op alle plaatse wao de Venlose Vastelaovend wuurt gevierd.

Historie Venloosch Vastelaoves Gezelschap Jocus Zoë gaon zeej op bezeuk beej de zustervereininge alzoë de Vastelaoves gezelschappe in de diverse wiéke. Daonaeve ontbraeke zeej neet beej de vuële zittingsaovende en beejeinkômste die de vuële Venlose vereiniginge en organisaties in de Vastelaoves-tiéd organisere. Neteurlik waere auk de Venlose basisschoël mit ein bezeuk veriérd. Historie Venloosch Vastelaoves Gezelschap Jocus

't Hoëgtepunt brik neteurlik aan mit de Vastelaovend. Um klokkeslaag 11.11 oor ontvingk Prins Carnaval de sleutel van de stad Venlo oét hand van de Börger. Dit is 't moment det de Joeks 't Jocusriék veur dreej daag zal regeere. Aansloétend vindt de Kinder optoch plaats, umdet neteurlik auk de jôngste inwoëners van de stad eure eige Optoch door de stad laote trekke. Historie Venloosch Vastelaoves Gezelschap Jocus

Vastelaovend-maondaag trek de Groëten Optoch door de Venlose Binnestad. Miér informasie vindt geej binnekort op ein apart blaad.

Op Vastelaovend-dinsdaag zien de boere en boerinne d'n baas. 't Dreejspan van Jocus duit veur efkes eine pas op zie, veur de echte-onechte Venlose Boerebroélof. Miér euver de Boerebroélof vindt geej heej. Historie Venloosch Vastelaoves Gezelschap Jocus

De galerie van ald Jocus Prinse en Adjudante van V.V.G. Jocus is truuk te vinde op dit blaad.

Verantwoording:
't Jocus-archief haet zien uùterste bes gedaon um zien historie zörgvöldig te beschriève. Heejbeej haet zeej ein beroep gedaon om bestaonde JOCUS publicaties, diverse brônne en nieje vôndste oët zien eige archief. Veur vraoge, opmerkinge of mier informasie kint geej kôntak opneme mit 't Jocus-archief via email: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Alle rechte veurbehalde, kopie- en auteursrech V.V.G. JOCUS 2010-©