Miene naam is Ikar Pril 47 jaor gebore in (ahum Tegelen), maar getaoge in Venlo. Einen echte Venlose jông. Mit veurvaders aan mooders kant (Boermans) die al in Venlo woënde in 1376. Bin al 21 jaor same en daovan 11 jaor (joeksig) getrouwd met miene leeve schat Léonne, ennen echte vastelaovesgek. Weej hebben 2 schatte van kinder, Thijmen, dae 10 jaor is en Veerle van 6 jaor! Sinds ein jaor of viéf woëne weej op d'n Hertog Reinoudsingel. Nao de middelbare schoël erg lang euver mien studie communicatie gedaon en daodoor in Vlissingen, Den Haag en Eindhoven gezaete! In 't dageliks laeve bin ik bezig mit mien eige reklame/evenemente bureau; 2Reclame en dit doon ik noow inmiddels alwaer haos 10 jaor! Vaerder heb ik same mit Piet-Hein Berden ein netwerkclub Bizznip, deze hebbe weej in Venlo en Remund, weej hebbe ôngevier 200 leeje beej dees erg gezellige netwerkclub.
Hobbies zien; Hockey, jaomer genôg neet miër actief, waal achter de scherme vuuel bezig mit de einzigste en echte Hockeyclub! Os VHC, wao ik op mien 9de lid van woord; d'r ff oet gewaes vanwaege studie, maar wie ik weer truuk kwaam nao Venlo weer geliék lid gewaore. Auk Thijmen en Veerle zien lid van dees prachtige club! Vaerder kaok ik gaer, thoés veur vrinde of in clubverband beej "La Grande Bouffe" same met miene HH en Adjudant 1. Auk gaon ik net as idderein gaer op vekansie, bin nogal ein Francofiel, dus meistal nao de Provence of Cote d'Azur. Lekker nao mertjes en op bezeuk beej de locale wienbouwers, hebbe weej geliék nog ein passie te pakke "Wien" Bin auk gruuets op 't feit det ik beej Confrerie de St Vincent zit. Moeije wienclub, euverigens same mit d'n HH auk nog lid van wienclub "Hellowien". Verder kinne HH en adjudant ôs al miër as 30 jaor en weej zien alle dreej lid van de leukste vrindegroep dae daor besteit "Nie-veaux" 15 jônge, die allemaol gehockeyed hebbe en oét ôs moeije stad kômme! Veur altiéd enne Venlonaer!