Prins Jeroen van den Ham (37) woënt same mit Marloes Geraeds en hebbe eine geweldige kleine kröllenbol Sepp (3). In 't dageliks laeve al haos 15 jaor werkzaam as bedriefsleider beej Pearle opticiëns in ôs stedje van lol en plezeer. Vastelaovend is um al hiel vruug mit de paplaepel ingegaeve door zien leeve elders Hay en Marian. Ald-adjudant van Jocus Toekôms in '90 en zelfs prins in '91. De nuuëdige jaore in de groëte Venloose optoch meigelaupe mit eine toeffe vrindegroep de Frette. 11 jaor op de buun meuge staon mit Pinda Wullum (parodie) in gans Limburg en ein klein stökske van Braobant, mit de geschreve teksten van d'n hiër Gé van Baek. Auk haet hae mit dees kwante jônge ein cd meuge opneeme (zoemaar veur de yen '97). Vaerder is teniëlspeule zien passie; 4 maol in de Venlose Revue, 1 maol Bliërickse revue en Frans Boermanstheater in 'Heibel op 't Hetje'. Zenger van ex Laef! As lid van Jocus Joekskemissie is hae dök te zeen as prissentator op verschillende Jocus evenemente en.. zelfs beej zien club VVV!