Woord dertig jaor truuk gebaore en had van jôngs aaf aan de vastelaovend in ’t blood zitte. Hae ging nao schoël beej college 'Den Hulster’ in Venlo-Zuud. Daonao vertrok hae nao ’t Knotsenburg-riék (Numwaege) um zich dao aan te melde beej de universiteit. Hae studeerde dao Filosofie, Geschiedenis en Rechte en ging daonao vlot truuk nao ’t Jocusriék. Mark is op dit moment wethalder van Economische Zake en Financie en lid van de Provinciale State van Limburg. Door zien vreejgezellebestaon kin hae det good combinere. Hae woënt net wie d’n hoëgheid in de buurt van ’t Rosarium en is regelmatig te vinden in de binnenstad van ôs moeije Venlo. Hae is gruuëts um onderdeil te zien van ’t Stadsdreejspan van 2007.