prins Sef III Derkx (1951) verzörg veur ’t Limburgs Museum de pr & marketing en bedink spesjale publieksprojecte.
Daonaeve is hae columnis van Dagblad de Limburger en teksschriéver. De letste jaore verschene van um 'n kaokbook mit Paul Pollux van de Aubergine, enne wandelgids door ’t kloësterdörp Steyl en 'n prachtig kunsbook mit ziene gooje vrind Eric Toebosch. Hae schreef de tekste en scripts veur 'n aantal films wao onder de promotiefilm van de Gemeinte Venlo en van 't samewerkingsverband De Maasduinen. Sinds jaor en daag is hae as bestuurslid aan ’t Zomerparkfees verbônde, iërs as sikkertaris en daonao as veurzitter.
Veurzitter is hae ouk van de stichting Architectuur Podium Venlo en umgaeving. Van de Stichting Luisterrijk Limburg, die iévert veur ’t opniej oétbringe van historisch en vergaete dialecrepertwaar, is Sef Derkx sikkertaris.
As vastelaovesvierder in hert en neere is hae oprichter of mei-oprichter van de:
- Sosjeteit van Oeits Haos Prinse
- Jocusologe
- Venlose Vastelaovend op Vinyl
- en de Boétegewoëne Boétezitting in de Zoépkoel, die hae same mit Hans op de Coul en Rob van Rhienen in de iërste jaore organiseerde.