Op vriédaag 22 fibberwari 2019 vindt 't NaoBliéfBal plaats in de Maaspoort. Dit is ein scholierebal veur alle liërlinge van de Onderwiésgemeinschap Venlo e.o. (College Den Hulster, 't Valuascollege en 't Blariacumcollege). Alle baovebouwliërlinge zien welkom (klas 3 t/m 6). 't Bal deurt van 19:00 wies 00:30 oor en kaarte koste € 7,50.
 
Dit vastelaovesbal veur Groët Venlose scholiere is ein samewerking tösse VVG Jocus en de Onderwiésgemeinschap Venlo en umstreke. 't Is ein alcoholvreej bal wao bekinde Venlose en Limburgse artieste optraeje. D'r wuurt door liërare en sfeerkeepers gesurveilleerd. Liërlinge kinne frisdrank kaupe met Maaspoortmuntjes die op 't bal zelf verkriégbaar zien. Daonaeve 't d'r auk ein kräömke met goodkaup snoep en ein lekker bruuëdje. 

Kaarte kinne liërlinge zelf kaupe via jocus.nl en beej binnekoms motte zeej eur liërlingpasje meineme. Dit is puur ter kontrole. 't Programma start um 19:00 oor, maar tot 20:30 oor kinne de liërlinge nog nao binne. Later neet miër. Algemeine regel is auk; binne is binne, boéte is boéte. 't Betref ein alcoholvreej bal. Idderein is verplich verkleid te komme. We viere per slot van raekening vastelaovend!

Artieste waere via Social Media bekind gemak. Kiëk maar ens op Facebook Naobliefbal of Instagram @Naobliefbal.

Volgende evenemente

  • 17-02-19
    Matinée Musicale / Oétroope Dreejspan Jocus Toekôms
  • 20-02-19
    Jeugzitting Half Haenke
  • 20-02-19
    SOB Seniorezitting
  • 21-02-19
    SOB Seniorezitting
  • 22-02-19
    Jeug Vastelaoves Leedjes Konkoér

Kaarte bestelle